Registrations have closed.
Do të mbahet takimi XX Vjetor Ndërkombëtar me temën: “Kontributi i diasporës shkencore për integrimin në hapësirën europiane të kërkimit shkencor dhe arsimit të lartë në trojet shqiptare”
by
12 12 people viewed this event.
Veprimtaria do të mbahet në datat 26 – 27 shtator 2025. Dita e parë e takimit do të nis në orën 9.00 në sallën “Aleks Buda” në Akademinë e Shkencave të Shqipërisë dhe dita e dytë do të vijojë në Fakultetin e Shkencave të Natyrës, në Universitetin e Tiranës.
Takimi organizohet nga Akademia e Shkencave e Shqipërisë në bashkëpunim me Institutin Alb-Shkenca dhe Fakultetin e Shkencave të Natyrës, Universiteti i Tiranës.
Në këtë tubim shkencor do të marrin pjesë anëtarët e Institutit Alb-Shkenca (Tiranë – Prishtinë – Shkup), studiues të gjitha disiplinave nga rajoni e diaspora, Kosova, Maqedonia e Veriut, Europa, SHBA e Kanada, që janë pjesë e strukturave akademike shqiptare, kërkuesit e pavarur, si dhe shkencëtarët e huaj të lidhur ose jo me çështjet shqiptare.
Rreth 80 pjesëmarrës do të kumtojnë arritjet e tyre më të reja në fushat specifike të hulumtimit e të ekspertizës: filologji, histori dhe kulturë, drejtësi, ekonomi, bujqësi dhe agrobiznes, shkencat e natyrës dhe mjedisi, mjekësi, inxhinieri, teknologji e informacionit dhe komunikimit, shkenca shoqërore dhe politike.