Prof. asoc. dr. Marenglen Kasmi
DREJTOR I QENDRËS SË BOTIMEVE ENCIKLOPEDIKE DHE ALBANOLOGJIKE
Shkarko CV
Lindur në Gramsh më 20 qershor 1977. Në vitet 1991-1995 ka kryer shkollën e mesme në Gjimnazin “Shefqet Guzi”, Gramsh.
Ka mbaruar studimet e larta në Universitetin Helmut Schmidt në Hamburg, Gjermani [Helmut Schmidt Universität/ Universität der Bundesëehr] ku u diplomua si Magister Artium (M.A.) për Histori dhe Sociologji.
Është autor dhe bashkautor në 14 monografi të botuara brenda e jashtë vendit si edhe i një numri të konsiderueshëm kumtesash e artikujsh shkencorë.
Disa nga botimet kryesore:
- “Die deutsche Besatzung in Albanien 1943 und 1944”, Band 20, Potsdam 2013. (Potsdamer Schriften zur Militärgeschichte).
- “Pushtimi gjerman i Shqipërisë 1943-1944. Një këndvështrim në dritën e dokumenteve gjermane”, Tiranë 2013.
- “Marrëdhëniet shqiptaro-gjermane në shekullin XX (1900-1945)“, Tiranë 2020, (botimi I).
- “Wilhelm zu Wied dhe Shqipëria, mars-shtator 1914”, Tiranë 2023.
1995-1997 studime në Akademinë Ushtarake “Skënderbej”. Në kuadër të bashkëpunimit bilateral ndërmjet Forcave të Armatosura të Republikës së Shqipërisë dhe Bundeswehr-it të Republikës Federale Gjermane, në vitin 1997 u përzgjodh nga radhët e kadetëve të Akademisë “Skënderbej” për të vazhduar arsimimin e plotë për oficer në Bundeswehr-in gjerman.
Dhjetor 1999 u diplomua në Shkollën e Oficerëve të Forcave Tokësore në Drezden, Gjermani (Offizierschule des Heeres, Dresden).
2000-2003 pedagog në Akademinë Ushtarake “Skënderbej”.
2004-2008 studioi në Universitetin Helmut-Schmidt Hamburg, Gjermani, Fakulteti i Historisë dhe Shkencave Sociale (Helmut-Schmidt Universität/Universität der Bundeswehr Hamburg) ku edhe u diplomua si Magister Artium në Shkencat Historike (M.A.).
2012-2013 kualifikim shkencor në Fushën e Historisë dhe Arkivave tre mujor në Institutin e Historisë Ushtarake Potsdam (Militärgeschichtliches Forschungsamt der Bundeswehr, Potsdam).
2008-2015 pedagog/studiues i historisë dhe drejtues i Seksionit të Historisë në Akademinë e Mbrojtjes “Spiro Moisiu” Tiranë.
2016-2021 Anëtar i Autoritetit për Informim për Dokumentet e ish-Sigurimit të Shtetit të RPSSH, me mandat 5-vjeçar nga Kuvendi i Republikës së Shqipërisë.
Prej muajit Janar 2022, drejtor i Qendrës së Botimeve Albanologjike dhe Enciklopedike në Akademinë e Shkencave të Shqipërisë.
Pedagog dhe titullar lëndësh në disa Universitete, publikë dhe jopublikë.
Është njohës i mirë i arkivave vendase e të huaja dhe ka marrë pjesë në shumë konferenca kombëtare dhe ndërkombëtarë për çështje të historisë. Fusha e tij studimore kryesore është historia moderne e Shqipërisë dhe historia ushtarake.
Ka botuar shumë artikuj shkencorë dhe disa studime në Fushën e Historisë si brenda edhe jashtë vendit. Merr pjesë në mënyrë aktive në debatet shkencore për çështje historike.
Drejtuesit ndër vite
- Prof. dr. Xhevat Lloshi
- Prof. dr. Emil Lafe
- Prof. dr. Muharrem Dezhgiu
- Prof. dr. Aurel Plasari
- Prof. asoc. dr. Marenglen Kasmi