Akademik Petrit GAÇE

Petrit GAÇE (1927–1996). Mjek kirurg, profesor, akademik, “Hero i Punës Socialiste”. Lindi në Elbasan ku kreu dhe Shkollën Normale. Mori pjesë në Luftën ANÇ. Ndoqi studimet e larta në Institutin e Parë të Mjekësisë në Leningrad (1947–1953). Punoi si kirurg në Spitalin nr. 2 të Tiranës dhe pedagog në katedrën e anatomisë normale në Institutin e Lartë Mjekësor (shih, 1953–1957). Nga v. 1960 qe pedagog në Fakultetin e Mjekësisë të UT dhe përgjegjës i katedrës së kirurgjisë së për-gjithshme (1975–1992) e përgjegjës i shërbimit të kirurgjisë kardiovaskulare (1992–1993). Ka dhënë ndihmesë në kirurgjinë e djegie-plastikës, duke realizuar për herë të parë transplantime të lëkurës, si dhe në kirurgjinë e fëmijëve. Është the-meluesi i kirurgjisë kardiovaskulare shqiptare dhe realizoi për herë të parë operacione të zemrës dhe të enëve të gjakut. Bashkautor në tekstet “Kirurgjia e përgjithshme” (1973), “Kirurgjia e përgjithshme” (1976, për stomatologjinë) dhe “Sëmundjet kirurgjikale” (1981, për stomatologjinë); ka botuar një varg artikujsh shkencorë në shtypin mjekësor. Ka qenë deputet i Kuvendit Popullor të Shqipërisë (1962–1974, 1977–1991). Është dekoruar me “Urdhrin e Flamurit” të kl. I. Shërbimi i kirurgjisë kardio-vaskulare në QSU “Nënë Tereza” mban emrin e tij.