Konferenca shkencore ndërkombëtare “Shqipëria në periudhën bizantine”

Akademia e Shkencave e Shqipërisë ka nderin t’ju ftojë të merrni pjesë në konferencën shkencore ndërkombëtare me temën “Shqipëria në periudhën bizantine”.

Veprimtaria do të mbahet në Tiranë në datat 5 – 6 dhjetor 2025.

Kjo konferencë organizohet në bashkëpunim me Universitetin e Tiranës, Kishën Ortodokse Autoqefale të Shqipërisë, Drejtorinë e Përgjithshme të Arkivave dhe Shoqatën Shqiptare të Studimeve Bizantine.

Ceremonia e hapjes do të mbahet ditën e premte më 5 dhjetor 2025, ora 10.00, në Hotel Tirana International, salla “Classic”.

Më 6 dhjetor 2025, ora 09:00, konferenca do të mbahet në sallën “Aleks Buda” në Akademinë e Shkencave.

Në hapjen e konferencës do të përshëndesin:

Z. Edi Rama, Kryeministër i Republikës së Shqipërisë (TBC);

Akad. Skënder Gjinushi, Kryetar i Akademisë së Shkencave të Shqipërisë;

Imzot Joani, Kryepiskopi i Tiranës, Durrësit dhe i gjithë Shqipërisë;

Prof. dr. Artan Hoxha, Rektor i Universitetit të Tiranës;

Prof. dr. Antonio Riggio, President i International Association of Byzantine Studie (President i Shoqatës Ndërkombëtare të Studimeve Bizantine).

Pritet të marrin pjesë mbi 40 referues; akademikë, studiues dhe përfaqësues të institucioneve shtetërore dhe fetare.

Bashkëlidhur ftesa dhe programi online: