Në datat 13-15 tetor 2025 do të mbahet edicioni i 11-të i Konferencës Ballkanike të Informatikës (BCI 2025) (Balkan Conference in Informatics)

Akademia e Shkencave e Shqipërisë është bashkorganizatore e kësaj veprimtarie.

Kryetar nderi i konferencës është kryetari i Akademisë së Shkencave të Shqipërisë akad. Skënder Gjinushi.

Konferenca synon të ofrojë një forum për diskutime dhe përhapje të arritjeve kërkimore në shkencën kompjuterike dhe teknologjinë e informacionit dhe të promovojë ndërveprimin dhe bashkëpunimin midis shkencëtarëve nga vendet e Ballkanit dhe pjesa tjetër e botës, si dhe të inkurajojë përfshirjen e studiuesve të rinj nga rajoni.

Pjesë e konferencës janë Shkolla Verore e Aplikacioneve Industriale të Sigurisë Kibernetike dhe workshopet.

Veprimtaria do të zhvillohet në Hotel Tirana International@Qendra e Konferencave.

Gjuha zyrtare e konferencës do të jetë anglishtja.